服装学习网-学习服装知识从此开始!

vivi服装学习网

当前位置: 主页 > 知识库 > 服装历史 >

先秦服饰之冕服

时间:2015-05-22 20:18来源:未知 作者:admin 点击:
冕服係古時間代表得至高禮制嗰衣著體系,係皇帝嘚祭拜天地、宗廟、正旦、聖節等禮祀活動裡頭著嗰衣裳。 完套嗰冕服主要含得冕冠、衣裳(上衣、中衣、下裳)、袴、襪、舄、腰帶
本文服装关键字:冕服(7)先秦服饰(13)
冕服係古時間代表得至高禮制嗰衣著體系,係皇帝嘚祭拜天地、宗廟、正旦、聖節等禮祀活動裡頭著嗰衣裳。
\


    完套嗰冕服主要含得冕冠、衣裳(上衣、中衣、下裳)、袴、襪、舄、腰帶(革帶、大帶)、蔽膝、佩玉、綬、劍、圭等構件。冕服嗰「形制」依得佢俚嗰款式、色氣、大細,拕分成不同等級,形成國家嗰正式典章制度,箇就係「以禮為服制」。

    冕服係搦玄、纁色繒做嗰,祭服嗰做法係染絲起,接得織造繒。九職之嬪府會加工正絲,舞正嗰「素絲」拕擺嘚「典絲」許首。經過巾荒氏嗰練絲,素絲拕搦得染人上色,佢俚一般揀熱天嗰時間利用草類染料染色,話係丹秫染液嗰效果上佳。等得冷天,絲拕搦還典絲,內外工接過素絲或彩絲開始織造冕服嗰布匹。質量上乘嗰玄纁繒經「典婦功」嗰手,拕搦得縫人,佢俚做正衣裳後再搦還典婦功。末後畫繢嗰畫工、繡工接手,嘚衣裳上繪製五色嗰十二文章。做正嗰冕服成衣拕弆嘚內府,司服會依得場合決定皇帝著衣嗰規格,佢搦冕服交把女御,由女御奉承天子。

[本文来自服装学习网fuzhuangxuexi.cn]



    中國嗰衣飾史歷史非常長遠。《易經》話「黃帝堯舜,垂衣裳而天下治,蓋取諸乾坤。」「黃帝始去皮衣,為上衣以象天,為下裳以象地。」箇下尋到嗰實物也證明許時間嗰華夏人具備做衣嗰能力,好似河南滎陽尋到哩5500年前嗰麻布同得淡絳色羅、紗、紈等帶色帶花嗰實物。等得夏禹,《論語》話佢「惡衣服,而致美乎黻冕」,即大禹不計算自簡嗰衣裳而著重公家嗰服制。商朝係有確切文字記載嗰朝代。《尚書》話「伊尹以冕服奉嗣王歸於亳」,等同證明冕服嗰確實存在。甲骨文裡頭也拕發現有「冕」字,係殷王嗰自稱。

    周朝係冕服正式確立嗰時代,後世話「尊古禮」都係意圖去還周朝嗰典章制度。《周禮·司服》搦冕服分做六款(大裘冕、袞冕、鷩冕、毳冕、絺冕、玄冕),故係叫「六冕」。著得正冕服嗰有天子、公、侯、伯、子、男、孤、卿、大夫。各級人員嘚重大祭祀場合,好似祭拜先王、宗廟嗰時間,得著自簡所屬級別嗰最高級別嗰冕服。
(责任编辑:admin)
织梦二维码生成器
------分隔线----------------------------
发表评论
请自觉遵守互联网相关的政策法规,严禁发布色情、暴力、反动的言论。
评价:
用户名: 验证码: 点击我更换图片
栏目列表
推荐内容